Türkmenistanyň futbol boýunça milli ýygyndysy BAE-däki okuw türgenleşikde ilkinji oýunda ýeňiş gazandy
Türkmenistanyň milli futbol topary, BAE-niň çempionatynyň birinji bölümçesiniň topary bolan “Dubaý Ýunaýted”-i ýeňip, türgenleşikdäki ilkinji oýunda ýeňiş gazandy.
Duşuşyk türkmen toparynyň peýdasyna 3:1 hasabynda tamamlandy. Ýeňijilerden Ruslan Mingazow, Elman Tagaýew we Myrat Annaýew dagylar derwezä pökgi geçirdiler.
Mergen Orazowyň topary indiki oýnuny BAE-niň häzirki çempiony “Şabab Al-Ahli” bilen oýnar. Bu oýun 15-nji oktýabrda Dubaýdaky Rasid stadium stadionynda geçiriler. Türkmenistanyň milli ýygyndysynyň türgenleşigi 18-nji oktýabra çenli dowam eder.
Iýul aýynda geçirilen 2026-njy ýyldaky dünýä çempionatynyň saýlama ýaryşynyň ikinji tapgyrynyň deňme-deň netijelerine görä, Türkmenistanyň milli ýygyndy topary “E” toparçasyna girip, Eýranyň, Özbegistanyň şeýle hem ilkinji saýlama tapgyryň ýeňijisi Gonkong - Butan toparlary bilen oýnar.
16-njy noýabrda Türkmenistanyň milli ýygyndysy 2026-njy ýylda geçiriljek FIFA dünýä çempionatynyň saýlama ýaryşynyň ikinji tapgyrynda Özbegistan toparyna garşy ýurtdaky oýny bilen başlar.
ORIENT news
