Meşhur türk aktýory Aşgabatda geçiriljek film festiwalyna gatnaşar
Türkmenistanda 14-15-nji oktýabr aralygynda ýurduň paýtagtynda geçiriljek halkara film festiwalyna taýýarlyk görülýär. Festiwalda meşhur aktýorlaryň we režissiorlaryň gatnaşmagynda dürli ýurtlaryň iň gowy filmleri görkeziler.
Olaryň arasynda “Ajaýyp asyr” we “Gurluş: Osman” atly taryhy teleserialdaky rollary bilen tanalýan türk aktýory Burak Özçiwit hem bar, bu barada Türkmenistanyň HHM-i ýazýar. Burak Özçiwit, dünýäde millionlarça tomaşaçylaryň söýgüsini gazanan iň meşhur türk aktýorlaryndan biridir. Onuň Aşgabada gelmegi Türkmenistandaky türk kinosynyň muşdaklary üçin ajaýyp waka bolar.
Festiwala Merkezi Aziýa ýurtlaryndan beýleki meşhur aktýorlar we režissiýorlar hem gatnaşar, şol sanda “Taksi”, “Ilkinji ýyldyz” filmlerinde baş keşbi janlandyran fransuz aktýory Eduar Montut hem bar.
Festiwalda “RT Doc” teleýaýlymy tarapyndan taýýarlanan meşhur ahaleke bedewleri barada dokumental film hem görkeziler. Filmde Türkmenistanyň milli buýsanjy bolan bu täsin jandarlaryň gelip çykyşy, taryhy we aýratynlyklary barada gürrüň berilýär.
Halkara festiwal dürli ýurtlardan gelen kinorežissiýorlaryň arasynda tejribe alyşmak we dostlugy berkitmek üçin mümkinçilik bolar.
ORIENT news
