Arkadag şäheriniň ikinji tapgyry 2026-njy ýylyň sentýabrynda ulanmaga berler
Prezident Serdar Berdimuhamedowyň gol çeken Kararyna laýyklykda Arkadag şäheriniň gurluşygy boýunça döwlet komitetine Arkadag şäherinde binalaryň we desgalaryň taslamalaryny düzmek hem-de olary ýanaşyk ýerlerini abadanlaşdyryp, doly taýýar edip gurmak şertinde ýerli gurluşyk kärhanalary bilen şertnamalary baglaşmaga ygtyýar berildi. Bu barada Döwlet habarlar agentligi mälim edýär.
Bu resminama Türkmenistanyň Prezidentiniň ozal gol çeken “Arkadag şäheriniň gurluşygynyň ikinji tapgyryny amala aşyrmak hakynda” Kararyny ýerine ýetirmek maksady bilen kabul edildi. Gurluşyk işlerine şu ýylyň oktýabrynda başlamak we 2026-njy ýylyň sentýabr aýynda ulanmaga doly taýýar edip tabşyrmak bellenildi.
Arkadag şäheriniň ikinji tapgyrynda diňe durmuş maksatly desgalar däl-de, önümçilik maksatly toplumlar hem gurlar.
ORIENT news
