Serdar Berdimuhamedow we Buýar Osmani Türkmenistan bilen ÝHHG-niň arasyndaky gatnaşyklara baha berdiler
Prezident Serdar Berdimuhamedow duşenbe güni Ýewropanyň Howpsuzlyk we Hyzmatdaşlyk Guramasyna (OSCEHHG) başlyklyk edýän Demirgazyk Makedoniýanyň daşary işler ministri Buýar Osmanini kabul etdi.
Osmani, sebit we dünýä derejesinde parahatçylygy, howpsuzlygy we durnuklylygy üpjün etmekde konstruktiw syýasat alyp barýan Bitarap Türkmenistan bilen gepleşikleri ösdürmäge uly gyzyklanma bildirdi, bu barada agşamky “Watan” habarlar gepleşiginde habar berildi.
Ýewropaly diplomat soňky döwürdäki Türkmenistan bilen ÝHHG-niň arasynda baglaşylan şertnamalaryň iş ýüzünde durmuşa geçirilişine ýokary baha berdi we bilelikdäki taslamalary durmuşa geçirmekde, şeýle hem sebitleýin we halkara hyzmatdaşlygy ösdürmekde ýurduň işjeň roluny belläp geçdi.
Türkmenistanyň Prezidentiniň sözlerine görä, Osmaniniň bu sapary Aşgabat bilen ÝHHG-niň, şeýle hem Demirgazyk Makedoniýanyň arasyndaky hyzmatdaşlygyň mundan beýläk-de ösdürilmegine goşant goşar.
Daşary syýasatda hemişelik Bitaraplyk derejesine ygrarly Türkmenistan, DÖM-laryna ýetmek we global howpsuzlygy üpjün etmek üçin bilelikdäki maksatnamalara we taslamalara işjeň gatnaşyp, ÝHHG-ny hem goşmak bilen daşary ýurtly hyzmatdaşlar we abraýly halkara guramalar bilen gatnaşyklary maksatly ösdürýär diýip, bellemek bilen döwlet Baştutany meseleleriň giň toparyndaky syýasy gepleşiklerde ÝHHG-niň ähmiýeti barada hem aýdyp geçdi.
Soňky ýyllarda Türkmenistan bilen ÝHHG-niň arasyndaky gatnaşyklaryň parlamentara hyzmatdaşlygy arkaly üsti ýetirildi. Şu nukdaýnazardan, Türkmenistanyň Mejlisi we ÝHHG-niň Parlament Assambleýasynyň guramagynda “Bitarap döwletleriň ÝHHG-niň çäginde howpsuzlygy, durnuklylygy we dialogy berkitmekde tutýan orny” atly halkara konferensiýasynyň geçirilendigi bellendi.
ÝHHG-niň çäginde özara gatnaşyklaryň ýene bir möhüm ugry, ýurduň döwlet derejesinde uly üns berýän adam hukuklaryny, demokratik ýörelgeleri we kanunyň hökmürowanlygyny goramakdyr. Beýleki ugurlar bolsa, energiýa çeşmeleriniň dünýä bazarlaryna ygtybarly eltilmegini üpjün etmegi, ykdysady ösüşiň durnukly bolmagy we ulag potensialyny durmuşa geçirmegi, daşky gurşawy goramagy we suwdan tygşytly peýdalanmagy öz içine alýar.
ORIENT news
