"Türkmenstandartlary" sebit metrologiýa institutlarynyň seminaryna gatnaşýar
"Türkmenstandartlary" Baş döwlet gullugynyň Döwlet etalon merkeziniň bilermenleri 10 - 13-nji oktýabrda Özbegistanyň Fergana şäherinde geçirilýän "Milli metrologiýa institutlarynyň we oblast merkezleriniň arasynda hyzmatdaşlyk" ady bilen geçirilýän türgenleşik seminaryna gatnaşýarlar.
Halkara bilermenleriň seminary Germaniýanyň Fiziki-tehniki institutynyň "Merkezi Aziýa ýurtlarynda infratrukturalaryň hilini kämilleşdirmek we olara ýardam etmek" atly taslamasynyň çäklerinde geçirilýär. Oňa Merkezi Aziýa ýurtlarynyň infrastrukturalaryň hil we metreologiýa institutlarynyň wekilleri gatnaşýarlar.
Forumyň çäklerinde bilermenler metreologiýa boýunça tehniki meselelere, aýna termometrler, elektron multimetrler we pH ölçegleri babatynda ozal guralan we dowam edýän bilelikdäki deňeşdirmelere gatnaşyjy nusga ölçeýji enjamlaryň üpjünçiligine garaýarlar.
Metrologlar Özbegistanyň Milli metrologiýa institutynyň Ferganadaky bölümi bolan kalibrleme barlaghanasyna baryp görüp, özbegistanly hünärmenleriň maksatnamalary bilen tanşarlar. Taslamanyň çäklerinde geljekki sebitleýin çäreleri guramak meseleleri maslahatlaşylar.
ORIENT news
