Yrak Türkmenistandan ýylda 10 milliard kub metr tebigy gazy satyn almaga taýýar
 berşi ýaly, 5-8-nji oktýabr aralygynda "Türkmengaz" döwlet konserniniň başlygynyň ýolbaşçylygyndaky türkmen wekiliýetiniň Bagdada eden saparyndan soň Türkmenistanyň Daşary işler ministrliginiň habar beriş serişdeleri üçin beren habarynda aýdylýar.](/_next/image?url=https%3A%2F%2Fcdn.orient.tm%2Fstorage%2Fapp%2Fmedia%2Fru%2F2023%2F10%2F08102023iraqsama.jpg&w=3840&q=75)
Yrak Respublikasynyň Prezidenti ýakyn wagtda Türkmenistana resmi sapar etmäne taýýardyr. Bu barada ýekşenbe güni TDH agentliginiň habar berşi ýaly, 5-8-nji oktýabr aralygynda "Türkmengaz" döwlet konserniniň başlygynyň ýolbaşçylygyndaky türkmen wekiliýetiniň Bagdada eden saparyndan soň Türkmenistanyň Daşary işler ministrliginiň habar beriş serişdeleri üçin beren habarynda aýdylýar.
Habarda, hususan-da Türkmenistanyň wekilleriniň Yragyň premýer-ministri Muhammet Şia as Sudani tarapyndan kabul edilendigi aýdylýar, ol öz ýurdunyň Türkmenistan bilen, şol sanda energetika pudagynda hemmetaraplaýyn we özara peýdaly gatnaşyklary ösdürmek islegini, şeýle hem Yrak Respublikasynyň Prezidentiniň Türkmenistana sapar bilen barmaga taýýardygyny belläp geçdi.
Türkmen wekiliýetiniň Yragyň Elektroenergetika ministri Ziad Ali Fadel bilen jikme-jik gepleşikleri geçirendigi, şol bir wagtyň özünde, goňşy Eýranyň çäginden alyş-çalyş meýilnamasy boýunça türkmen tebigy gazyny Yraga ibermek bilen baglanyşykly birnäçe meseläniň ara alnyp maslahatlaşylandygy bellenýär. Şol bir wagtyň özünde, Yrak tarapy her ýyl takmynan 10 milliard kub metr mukdarda türkmen tebigy gazyny kabul etmäge taýyn bolar.
Taraplar gaz pudagyndaky geljekki bilelikdäki işler üçin hukuk, täjirçilik, maliýe we guramaçylyk şertleri barada hem giňişleýin maslahatlaşdylar.
Gepleşikleriň netijesinde “Türkmengaz” döwlet konserni bilen Yragyň Elektroenergetika ministrliginiň arasynda özara düşünişmek Memorandumyna gol çekildi.
Taraplar Aşgabatdaky “Türkmenistanyň nebiti we gazy - 2023” Halkara sergide we konferensiýada bu gepleşikleri dowam etdirmek barada ylalaşdylar.
“Türkmenistan nergetika pudagyndaky halkara hyzmatdaşlygynyň baý oňyn tejribesine bil baglap, uglewodorod baýlyklarynyň ägirt uly ätiýaçlyklaryna we potensial hyzmatdaşlarynyň giň toparyna eýe bolmak bilen, energetika üpjünçiligini dünýä bazarlaryna diwersifikasiýa etmek, milli gaz pudagyny ösdürmek, köp görnüşli turbageçiriji infrastrukturasyny giňeltmek, gaz pudagynda halkara düzgünleri we tejribeleri esasynda türkmen tebigy gazyny gyzyklanýan ýurtlara we kompaniýalara satmak boýunça syýasatyny berk hem yzygiderli alyp barýar” – diýlip, Daşary işler ministrliginiň habarynda aýdylýar.
ORIENT news
