Änew şäheri 2024-nji ýylda türki dünýäsiniň medeni paýtagty adyny resmi taýdan kabul eder
Türki medeniýetiň halkara guramasynyň (TÜRKSOÝ) ýurtlarynyň Medeniýet ministrleriniň Hemişelik geňeşiniň 40-njy mejlisi geljek hepde-de 13-14-nji oktýabrda, 2023-nji ýylda türki dünýäsiniň medeni paýtagty bolan - Azerbaýjanyň Şuşa şäherinde geçiriler.
TÜRKSOÝ-yň Baş sekretarynyň orunbasary Sait Ýusufyň aýdyşy ýaly, mejlise guramany esaslandyryjylar bolan 6 ýurduň - Türkiýäniň, Azerbaýjanyň, Gazagystanyň, Gyrgyzystanyň, Türkmenistanyň we Özbegistanyň medeniýet ministrleri gatnaşar. Bu barada Report habarlar agentligi ýazýar.
Däp bolşy ýaly, duşuşykda TÜRKSOÝ-nyň işleri ara alnyp maslahatlaşylar, 2024-nji ýyl üçin meýilnamalar yglan ediler we degişli kararlar kabul ediler.
Duşuşykda 2024-nji ýylda “Türki dünýäsiniň medeni paýtagty” statusynyň Türkmenistanyň Anew şäherine geçirilmegi hem yglan ediler.
Şunuň bilen baglylykda, indiki ýyl Änewde döredijilik toparlarynyň we beýleki ýurtlaryň wekiliýetleriniň gatnaşmagynda geçiriljek medeni çäreleriň meýilnamasy taýýarlanýar. Hususan-da, ylmy, ýaşlar we metbugat forumlaryny, meşhur estrada aýdymçylarynyň we halk ýerine ýetirijileriniň konsertlerini, şekillendiriş we bezeg sungatynyň sergilerini, surat meýdançalaryny we başgalary guramak meýilleşdirilýär. Şeýle-de Änew şäherinde milli döredijilik çäreleri hem TÜRKSOÝ-nyň howandarlygynda geçiriler.
Mundan başga-da, 2022-nji ýylda Türkiýäniň Bursa şäherinde geçirilen TÜRKSOÝ-a agza ýurtlaryň ÝUNESKO-nyň işleri boýunça milli toparlarynyň duşuşygynda 2024-nji ýylyň onuň 300 ýyllygy mynasybetli “Türki dünýäsiniň beýik şahyry we akyldary - Magtymguly Pyragynyň ýyly” diýlip, yglan edilmegi biragyzdan kabul edildi.
ORIENT news
