"Näzli" tans topary Hindistanda çykyş eder
"Näzli" tans topary Hindistanyň paýtagty Nýu-Delide 18-20-nji oktýabrda geçiriljek halkara tans we saz festiwalynyň gatnaşýar.
Halkara çäräniň öňüsyrasynda Hindistanyň ýurdumyzdaky ilçisi Widhu Pithambaran Nair tans toparynyň agzalary bilen duşuşyp, artistlere şowly çykyşlary arzuw etdi.
Jemi 11 tansçy ýurdumyzyň adyndan wekilçilik eder. Ilçihananyň mälim etmegine görä, "Näzki" tans topary festiwalyň çäklerinde iki ýerde çykyş eder. Artistler türkmen tans sungaty, medeniýeti we däp-dessurlary bilen tanyşdyrarlar.
"Näzli" tans topary 30 ýyl mundan ozal, ýagny 1993-nji ýylda döredilip, toparyň ýolbaşçysy Ýelena Dormidontowadyr. Geçen döwürde tans topary müňlerçe sahnada çykyş edip, halkara festiwallarda we baýramlarda ýurdumyza wekilçilik etdi.
Tans toparynyň Hindistandaky festiwala gatnaşmagy iki ýurduň arasynda baglaşylan medeniýet we sungat ugurlarynda hyzmatdaşlyk etmek hakynda maksatnamanyň çäklerinde amala aşyrylýar.
ORIENT news
