Türkmen wekiliýeti Pakistanyň energetika ministri bilen duşuşdy
Birleşen Arap Emirlikleriniň paýtagty Abu-Dabide geçýän “ADIPEC 2023” nebitgaz forumynyň çäklerinde, türkmen wekiliýeti Pakistanyň energetika, energiýa we nebit meseleleri boýunça federal ministriniň wezipesini ýerine ýetiriji Muhammad Ali bilen geleşikleri geçirdi.
Duşuşygyň barşynda Türkmenistan – Owganystan – Pakistan – Hindistan gaz geçiriji, Türkmenistan – Owganystan – Pakistan elektrik geçiriji taslamalaryny durmuşa geçirmek meseleleri maslahatlaşyldy. Pakistanyň energetika ministri Türkmenistanyň Prezidentine we türkmen halkynyň Milli Liderine degişli taslamalary ilerletmek boýunça edýän tagallalaryna hoşallyk bildirdi hem-de Pakistanyň Hökümetiniň bu taslamalary ýerine ýetirmek üçin ähli çäreleri durmuşa geçirmäge taýýardygyny aýtdy.
Pakistanyň energetika ministri taraplaryň arasynda resmi ylalaşygyň ýakyn wagtda baglaşyljakdygyna ynam bildirdi.
ORIENT news
