Türkmenistanda internet ulanyjylaryň sany 3 milliondan geçdi
Türkmenistanda häzirki wagtda internet ulanyjylaryň sany 3 million 127,5 müňden gowrakdyr. Bu barada "Türkmenaragatnaşyk" agentligi mälim edýär.
Has takygy, 410 müň ulanyjy interneti simli, 2 million 716,5 müňden gowrak ulanyjy hem mobil birikdirme arkaly ulanýar.
Tutuş ýurt boýunça daşarky internet kanalyny ulanyş möçberi sekuntda 108 gigabite ýetdi. Milli ulgamlaryň işe girizilmegi bilen, içerki internet kanalyny ulanmagyň möçberi bolsa sekuntda 70 gigabite ýetdi.
"Türkmenaragatnaşyk" agentligi we "Azertelekom" kompaniýasy Türkmenbaşy - Siazan ugry boýunça Hazar deňziniň düýbünden optiki süýümli geçirijini gurmak boýunça bilelikde iş alyp barýarlar. Bu taslamanyň durmuşa geçirilmegi Türkmenistana Aziýanyň we Ýewropanyň arasynda aragatnaşyk babatda baglanyşdyryjy köpri bolmaga şert döreder.
ORIENT news
