Mümkinçiligi çäkli adamlaryň durmuş edaralary döwrebaplaşdyrylýar
Türkmenistanyň Kerler we körler jemgyýetiniň Aşgabat, Türkmenabat we Mary şäherlerindäki durmuş edaralaryny döwrebaplaşdyrmak işleri tamamlanyp gelýär. Häzirki wagtda bu Jemgyýetiň agzalaryna döwrebap çaphana we tikinçilik enjamlaryny işletmegiň usullaryny öwrenýärler. Bu geljekde olaryň zähmet bazarynda bäsdeşligini artdyrmaga ýardam eder.
Bu işler birnäçe ýardamçylaryň kömek etmeginde BMG-niň Ösüş maksatnamasynyň we Kerler we körler jemgyýetiniň bilelikdäki taslamasy esasynda durmuşa geçirilýär. 15-nji sentýabrda BMG-niň Ösüş maksatnamasynyň Türkmenistandaky wekilhanasynyň wekilleri we beýleki hyzmatdaşlar mümkinçiligi çäkli adamlaryň netijeli bilimi we iş üpjünçiligi bilen bagly meseleleri ara alyp maslahatlaşdylar. Şunuň bilen baglylykda, halkara tejribeler we öňe sürülýän teklipler öwrenildi.
ORIENT news
