Türkmen "Ahal" –y Saud Arabystanynyň "Al-Faiha"-na garşy oýna taýýarlygy dowam etdirýärler
"Ahal"türkmen FT, Aziýanyň esasy klub ýaryşy bolan AFK Çempionlar ligasynyň birinji tapgyrynyň çäginde 19-njy sentýabrda geçiriljek Saud Arabystany "Al-Faiha"-sy bilen öý oýnuna taýýarlyk işlerini dowam etdirýär.
Türgenleşik "Aşgabat" stadionyna ýanaşyk ýörite enjamlaşdyrylan futbol meýdançasynda geçirilýär. Türgenler üçin amaly sapaklar nazarýet okuwy bilen bilelikde Serdar Geldiýewiň ýolbaşçylygyndaky toparyň tälimçiler topary geçirýär. Toparyň Saud Arabystanynyň kluby bilen boljak duşuşyga taýýarlyk meýilnamasy eýýäm kesgitlenildi.
Toparlaýyn tapgyrda "Ahal"-yň Özbek "Pahtakor", Saud Arabystanyň "Al Feiha" we BAE-den"Al-Aýn" ýaly toparlar bilen duşuşjakdygyny ýatladýarys.
Aziýanyň iň abraýly klub ýaryşynyň toparçasy 18-nji sentýabrdan 13-nji dekabr aralygynda geçiriler. Her zonadan (Günbatar we Gündogar) bäş toparyň ýolbaşçylary, şeýle hem iň gowy netijeleri gazanan üç ikinji ýer 1/8 finala çykarlar.
Ýaryşyň, 2002/03-nji ýyldan bäri ilkinji gezek “güýz-ýaz” görnüşine gaýdyp gelendigini ýatladýarys. Aziýanyň çempiony 2024-nji ýyldaky klub dünýä çempionatyna gatnaşar we milli çempionatdan geçse, indiki möwsümiň Çempionlar ligasyna gatnaşmaga mümkinçilik alar.
Türkmen toparynyň Saud Arabystanyň "Al-Faiha"-sy bilen ilkinji oýny 19-njy sentýabrda sagat 21:00-da Aşgabat stadionynda bolar. Petekler eýýäm satuwa çykaryldy.
ORIENT news
