Serhet edaralarynda saglygy goramak meseleleri ara alnyp maslahatlaşyldy
Gazagystanyň Serhet gullugyna degişli edarada serhet ýakasynda saglygy goramak , bu babatda hünär taýýarlygy we bu ugra degişli edaralara häzirki zaman enjamlaryny ornaşdyrmak meseleleri ara alnyp maslahatlaşyldy. Oňa Garaşsyz Döwletleriň Arkalaşygyna agza döwletleriň, şol sanda Türkmenistanyň serhet gulluklarynyň harby lukmançylyk işgärleri gatnaşdylar.
Onuň barşynda köptaraplaýyn geňeşmeler geçirilip, sebitleýin harby hassahananyň enjamlaşdyrylyşy bilen tanyşdyrýan gezelenç sapary guraldy. Iş duşuşygy GDA döwletleriniň serhet edaralarynyň lukmançylyk düzümini kämilleşdirmäge bagyşlandy.
Oňa Türkmenistandan daşary, Ermenistanyň, Belarusyň, Gazagystanyň, Gyrgyzystanyň, Russiýanyň, Täjigistanyň we Özbegistanyň degişli wekilleri gatnaşdylar. Iş duşuşygyna Gazagystanyň Serhet gullugynyň başlygy, general-maýor Ý.Aldažumanow hem gatnaşdy.
ORIENT news
