Türkmenistanly suwda ýüzüjiler 2 günde 8 medal gazandylar
Suwda ýüzmek boýunça Türkmenistanyň türgenleri Duşenbede geçýän halkara ýaryşyň iki gününde 1 altyn, 4 kümüş we 3 sany bürünç medal gazandylar.
Halkara derejeli ussat sport türgeni Merdan Ataýew 50 metr aralyga arkanlygyna ýüzüp, ýaryşyň iň ýokary sylagyna eýe boldy. 200 metre arakanlygyna ýüzüp, Gurban Hommadow 3-nji orna mynasyp boldy. Ogulmerjen Nuraýewa bras gönüşde 100 metre ýüzüp kümüş, şol görnüşde ýene 50 metre ýüzüp hem, bürünç medala eýe boldy.
Waleriýa Mirenskaýa 4×100 görnüşde we 50 metre arkanlygyna ýüzüp 2 kümüş medal aldy. Utgaşykly estafeta ýaryşynda Türkmenistanyň ýygyndysy kümüş medala eýe boldy.
Suwda ýüzmek boýunça Türkmenistanyň ýygyndysynyň düzüminde jemi 8 türgen - Merdan Ataýew, Abdyrahman Agamyradow, Muhammetmyrat Gutlyýew, Gurban Hommadow, Seýran Nurmyradow, Roman Şabelnik, Waleriýa Mirenskaýa we Ogulmerjen Nuraýewa tälimçiler Rustam Esenowyň we Walentina Gorşkowanyň ýolbaşçylygynda wekilçilik edýärler.
ORIENT news
