Türkmen ykdysadyýeti Merkezi Aziýa ýurtlarynyň haryt öndürijileriniň sergisinde görkezildi
Türkmen ykdysadyýeti Duşanbede bolup geçýän Merkezi Aziýa ýurtlarynyň haryt öndürijileriniň sergisinde wekilçilik edýär. Şu gün sammitden soň sebitiň döwlet Baştutanlary bu sergä baryp gördiler.
Gazagystanyň, Gyrgyzystanyň, Täjigistanyň, Türkmenistanyň we Özbegistanyň Prezidentleri milli pawilionlara aýlanyp, gatnaşyjy ýurtlaryň ykdysady üstünlikleri bilen tanyşdylar.
Türkmenistanyň pawiliony, telekeçiligi goşmak bilen ykdysadyýetiň esasy pudaklarynyň gazananlaryny, ýurduň innowasiýa we maýa goýum potensialyny şeýle-de senagatyň ösüşini görkezýär. Sergide ýangyç we energetika pudagy, nebithimiýa senagaty, dokma senagaty, aýna önümçiligi, gurluşyk materiallary, şeýle hem täze pudak bolan - elektronika pudagy we ş.m bar.
Türkmen böleginiň aýratyn mowzugy sebit derejesinde möhüm çeşmäni görkezýän ýurduň transport toplumy we üstaşyr logistika mümkinçilikleridir. Milli pawilion adaty türkmen halylarynyň açyk reňkleri bilen ünsi özüne çekdi.
Şu gün agşam Merkezi Aziýa ýurtlarynyň we Azerbaýjanyň ýolbaşçylary “Dostluk agşamy” doganlyk konsertine hem gatnaşdylar.
ORIENT news
