Türkmen para-pauerliftýorlary dünýä çempionatynda iki medal gazandylar
Dubaýda (BAE) geçirilen para pauerlifting boýunça dünýä çempionatynda türkmen türgenleri iki bürünç medal gazandy. Bu barada ORIENT-iň habarçysyna ýurdumyzyň bedenterbiýe we sport boýunça döwlet komiteti habar berdi.
Bürünç medallary 45 ýaşdan uly kategoriýada çykyş eden Baýramgeldi Saparow we Öwezgeldi Orjiýew aldylar. Baýramgeldi Saparow 80 kg çenli agramda 165 kg göterdii, Öwezgeldi Orjiýew bolsa 88 kg çenli agramda 150 kg çekdi.
Ýaryşa, 80 ýurtdan dürli ýaş we agram kategoriýalarynda 500 töweregi türgen gatnaşdy. Türkmen topary, Türkmenistanyň at gazanan tälimçisi Tahyr Şorahanowyň ýolbaşçylygynda tälim alan 10 türgenden ybaratdy.
Para pauerlifting, hereket ediş kemçiligi bolan adamlar üçin sportyň Paralimpiýa görnüşidir. Türgenleşik wagtynda türgen bedeniň ýokarky böleginiň güýjüni görkezýär.
ORIENT news
