Minskdäki Saharow adyndaky HDEU-de 250 türkmen talyplary ekologiýany özleşdirýärler
Belarus döwlet uniwersitetiniň A.D. Saharow adyndaky Halkara döwlet ekologiýa institutynda Türkmenistanyň Minskdäki ilçisi Nazarguly Şagulyýew bilen institutyň müdiri, biologiýa ylymlarynyň doktory, dosent Oleg Rodkin bilen duşuşyk geçirildi.
Şeýle hem, duşuşyga ilçihananyň jogapkär işgärleri we müdiriň orunbasarlary, fakultetleriň dekanlary gatnaşdylar. Bellenilşi ýaly, häzirki wagtda A.D. Saharow adyndaky Halkara döwlet ekologiýa institutynda 250-ä golaý Türkmenistanyň raýaty bilim alýar we olaryň 188-i 2023-nji ýylda instituta girdi.
Duşuşygyň dowamynda okuw, umumy ýaşaýyş jaýyna ýerleşdirmek, hasaba alyş we konsullyk ýazgysy, şeýle hem, gaýtadan gelen Türkmenistanly raýatlaryň Belarusda bolmaklary ýalt meseleler ara alnyp maslahatlaşyldy.
Häzirki wagtda okuw işi institutda üç fakultetde – daşky gurşawa gözegçilik, ekologiýa lukmançylygy, hünär derejesini ýokarlandyrmak boýunça amala aşyrylýar. Rus dilinde ýokary bilimiň I derejesine hünärmenleri taýýarlamak «Ýader we radiasiýa howpsuzlygy»; «Tebigaty goramak işi» ugry: «Daşky gurşaw menejmenti we seljeriş», «Daşry gurşawa gözegçilik»); «Energiýa täsirli tehnologiýalar we energetika menejmenti»; «Lukmançylyk daşky gurşawy»; «Lukmançylyk fizikasy», «Maglumat ulgamlary we tilsimatlaty» (ugry: saglykda; daşky gurşawda); «Lukmançylyk-biologiýa işi» ýaly 7 kärde amala aşyrylýar.
Talyplar: «Inžener», «Ekolog. Daşky gurşawy goramak boýunça inžener», «Inžener- energomenejer», «Lukmançylyk fizigi», «Inžener-programmist», «Inžener-programmist- ekolog». «Biolog-analitik. Biologiýa mugallymy», «Ekolog-bilermen» ýaly hünär derejelerinden birini alýarlar.
Institutyň ýolbaşçylary bilen duşuşykdan we onuň kitaphanasy hem-de okuw işi bilen tanyşlykdan soňra ilçi Türkmenistanly birinji synp talyplar bilen duşuşdy.
y
ORIENT news
