Türkmenistanyň Statistika baradaky döwlet komiteti MICS-iň täze tapgyry üçin sowalnamalaryň deslapky synagyny tamamlady
Türkmenistanyň Statistika baradaky döwlet komiteti Multiindikator klaster barlagynyň (MICS) nobatdaky tapgyry üçin sowalnamalaryň deslapky synagyny tamamlady. Bu barada ÝUNISEF-iň Türkmenistandaky wekilhanasy habar berýär.
Aşgabat şäheriniň hem-de Ahal welaýatynyň öý hojalyklarynyň arasynda 400-den gowrak sowal synag edildi. Deslapky synag haýsy sowallaryň ilat üçin has düşnüklidigini, haýsylarynyň bolsa uýgunlaşdyrylmaga degişlidigini görkezdi.
Köp görkezijiler boýunça klaster barlagy 2023-nji ýylyň noýabr aýyndan 2024-nji ýylyň fewral aýyna çenli döwürde geçiriler.
Multiindikator klaster barlagy BMG-niň Çagalar gaznasy tarapyndan öý hojalyklary barlamak üçin işlenilip taýýarlanylan halkara maksatnamadyr. Bu syn dünýädäki çagalaryň we zenanlaryň ýagdaýy baradaky statistika maglumatlaryň esasy çeşmeleriniň biri bolup hyzmat edýär. Şeýle hem barlag ýurtlara müňýyllygyň ösüş maksatlaryny gazanmaga we halkara borçnamalaryny ýerine ýetirmäge mümkinçilik berýän esasy görkezijileri ölçeýär.
ORIENT news
