Azerbaýjanyň Prezidenti Merkezi Aziýa döwletleriniň Baştutanlarynyň duşuşygyna gatnaşýar
Sentýabr 14, 2023 | 12:07 |5955
Azerbaýjanyň Prezidenti Ilham Aliýew hormatly myhman hökmünde Merkezi Aziýa döwletleriniň Baştutanlarynyň konsultatiw duşuşygyna gatnaşýar. Sebit ýurtlarynyň düzümine girmeýän döwletiň Baştutany ilkinji gezek şeýle görnüşdäki duşuşyga gatnaşýar.
Mälim edilişine görä, Prezident Aliýew Täjigistanyň Prezidenti bilen ikitaraplaýyn gepleşikleri geçirer we Merkezi Aziýa döwletleriniň Baştutanlarynyň konsultatiw duşuşygynda çyyş eder.
2018-nji ýyldan bäri geçirilip gelinýän konsultatiw duşuşyga mundan ozal sebite girmeýän döwletleriň ýolbaşçylary çagyrylmandy. 2020-nji ýylda bu duşuşyk wideoaragatnaşyk arkaly geçirilen bolsa, 2021-nji ýylda ol ýurdumyzyň “Awaza” syýahatçylyk zolagynda geçirilipdi.
ORIENT news
