Hytaý 2025-nji ýyla çenli bäşe golaý meta-älem döreder
Hytaý, meta-älemleri-wirtual dünýäleri ulanmak bilen, sanly awatarlaryň, hakyky ýaşaýyşdaky ýaly biri-biri bilen özara gatnaşyp biljek «üç-bäş senagat toparyny» döretmek meýilnamasyny yglan etdi.
Bu, Senagat we maglumat tehnologiýasy ministrligi hem-de beýleki dört edara tarapyndan neşir edilen meýilnamadan gelýär. Meýilnama bu meseläniň 2025-nji ýyla çenli amala aşyrylmagyny göz öňünde tutýar diýip, South China Morning Post habar berýär.
Meta-älemler öý harytlary, awtoulag gurluşygy, howa giňişligi senagaty, polat we dokma önümleri ýaly dürli pudaklarda ulanylar.
Meta-älemleriň kömegi bilen meýilnamalaşdyrmak, materiallary hasaplamak, önümçilik we tehniki hyzmat amallary optimizirlenip bilner. Meta-älemleri döretmek üçin emeli intellekt, blokçeýn we elektron düzümler ýaly ösen tehnologiýalar ulanylar.
Hytaý bäşinji 14 ýyllyk meýilnama laýyklykda meta-älemde öz giňişligini ösdürýär. 2022-nji ýylyň iýul aýynda Şanhaý 2025-nji ýyla çenli meta-älemiň ösüşi üçin hereket meýilnamasyny neşir etdi. Hytaý bu ugurda öňdebaryjy bolmagy we ABŞ hem-de Günorta Koreýa ýaly beýleki ýurtlar bilen bäsleşmegi maksat edinýär.
ORIENT news
