Bilim ministrligi tamamlanmadyk bilim üçin berilýän kepilnamalaryň nusgalaryny tassyklady
Türkmenistanyň Bilim ministrligi bilimiň anyk derejesini tamamlamadyk, jemleýji döwlet synagyna gatnaşmadyk ýa-da jemleýji döwlet synagynda kanagatlanarsyz netijeleri görkezenlere bilim edarasynda okandygy hakynda berilýän kepilnamalaryň nusgalaryny tassyklady. Bu baradaky buýruk we degişli resminamalaryň nusgalary Türkmenistanyň Adalat ministrliginiň resmi web-saýtynda çap edildi.
Buýruk bilen tamamlanmadyk bilim üçin şu edaralardan alynýan kepilnamalaryň nusgalary tassyklandy:
— Umumybilim edarasynda okandygy hakynda kepilnamalaryň nusgalary;
— Hünär-tehniki okuw mekdebinde okandygy hakynda kepilnamanyň nusgasy;
— Orta hünär okuw mekdebinde okandygy hakynda kepilnamanyň nusgasy;
— Ýokary okuw mekdebinde okandygy hakynda kepilnamanyň nusgasy.
Türkmenistanyň “Bilim hakynda” kanunyna laýyklykda jemleýji döwlet synaglaryny geçip bilmedik ýa-da kanagatlanarsyz baha alan talyplar bu synaglary 1 ýyldan soň gaýtadan tabşyryp bilýärler.
ORIENT news
