Türkmenistan we Özbegistan döwlet serhedi boýunça gepleşikleri geçirdiler
Döwlet serhedini kesgitlemek boýunça türkmen-özbek topary Nukus şäherinde nobatdaky gezek duşuşdylar. Onda iki ýurduň arasyndaky döwlet serhedini kesgitlemek boýunça bilelikdäki Hökümetara toparynyň mejlisine taýýarlyk meseleleri maslahatlaşyldy. Bu barada Dunyo.uz neşiri habar berýär.
Bilelikdäki Hökümetara toparynyň mejlisi iki ýurduň arasynda döwlet serhedini kesgitlemek we bellemek işinde nobatdaky ädim bolar. Şeýle görnüşdäki mejlisiň iň soňkusy şu ýylyň iýun aýynda geçirilipdi.
Mundan ozal, Prezident Serdar Berdimuhamedow degişli Hökümetara toparynyň türkmen tarapynyň düzümini tassyklamak hakynda Karara gol çekipdi. Degişli ugur boýunça taslamalar we kanunçylyk-hukuk esaslary degişli iş toparlary tarapyndan işlenip düzüldi.
Türkmenistanyň we Özbegistanyň döwlet serhedi 1620 kilometre uzaýar.
ORIENT news
