Türkmen we ýapon uniwersitetleri bilim babatda birek-birege goldaw bererler
Türkmenistanyň Oguz han adyndaky inžener-tehnologiýalar uniwersiteti bilen Ýaponiýanyň Sukuba uniwersiteti özara bilim goldawyny bermek boýunça şertnama baglaşdylar. Bu barada Türkmenistanyň Ýaponiýadaky ilçihanasy habar berýär.
Dostlukly döwletiň ýakynda Türkmenistana bolan saparynyň çäklerinde Ýaponiýanyň Sukuba uniwersitetiniň prezidenti Nagata Kýosuke bilen Oguz han adyndaky Inžener-tehnologiýalar uniwersitetiniň rektory jenap Gurbanmyrat Mezilowyň arasynda şertnama gol çekişlik dabarasy geçirildi.
Sukuba uniwersiteti özünde 3 sany Nobel laueraty bolan Ýaponiýanyň abraýly ýokary okuw mekdepleriniň biridir. Ýapon uniwersiteti halkara tagallalaryna işjeň gatnaşygy we ýokary bilim ulgamyny ösdürmek boýunça global taslamalary bilen hem meşhurdyr.
Oguz han adyndaky Inžener-tehnologiýalar uniwersiteti 2016-jy ýylda döredilip, bu ýerde himiýa, nanotehnologiýa, biotehnologiýa, ekologiýa, informatika, kiber enjamlary we programmalary we innowasion ykdysadyýet boýunça ylmy işler alnyp barylýar.
ORIENT news
