Owganystan Türkiýä biznes attaşesini ugratdy
Sentýabr 12, 2023 | 20:47 |7406
Owganystanyň Senagat we söwda ministrliginiň wekili ýurduň Türkiýedäki biznes attaşesi hökmünde bellendi. Häzirki wagtda Owganystanyň Pakistanda, Eýranda, Türkmenistanda we Türkiýede biznes attaşeleri bar diýip, "TOLO" habarlar agentligi mälim edýär.
Bellenişi ýaly, Türkiýede täze attaşeniň bellenmegi ýurduň daşary döwletler bilen söwda gatnaşyklaryny işjeňleşdirmegine ýardam eder. Owganystanyň Türkmenistandaky ilçihanasynyň söwda attaşesi şu ýylyň maý aýynda bellenipdi.
Mälim edilişi ýaly, şu ýylyň marty - iýuly aralygynda Owganystanyň we Türkiýäniň arasynda 28 million dollarlyk söwda edilip, şonuň 5 million dollary Owganystandan eskport edilen harytlardyr. Owganystan Türkiýä esasan pisse, pagta, sygyr derisini eksport edýär.
ORIENT news
