Bişkekde GDA-nyň döwlet habarlar agentlikleriniň ýolbaşçylarynyň duşuşygy geçirildi
Gyrgyzystanyň paýtagty Bişkekde Garaşsyz Döwletleriň Arkalaşygyna agza döwletleriň döwlet habarlar agentlikleriniň ýolbaşçylarynyň Geňeşiniň 19-njy mejlisi geçirildi. Oňa Azerbaýjanyň, Belarusyň, Gyrgyzystanyň, Russiýa Federasiýasynyň, Täjigistanyň döwlet habarlar agentlikleriniň ýolbaşçylary we GDA-nyň ýerine ýetiriji komitetiniň wekilleri gatnaşdylar. Şeýle hem, Türkmenistanyň we Özbegistanyň döwlet habarlar agentlikleriniň wekilleri gatnaşdylar.
Mejlisde "TASS" habarlar agentliginiň baş direktory Andreý Kondraşow bir agyzdan GDA-nyň döwlet habarlar agentlikleriniň ýolbaşçylarynyň Geňeşine başlyk saýlandy. Mejlisde Geňeşiň 2022-2023-nji ýyllarda alyp baran işlerine we geljek ýylda alyp barjak işlerine seredildi. Geljek ýyllarda Arkalaşygyň çäklerinde yglan edilen ýyllaryň, şol sanda Arkalaşygyň medeni, ýaşlar we sport şäherleriniň çäklerinde habar beriş serişdelerinde ýerine ýetirilmeli wezipelere barada pikir alyşmalar boldy. Beýik Ýeňşiň gazanylmagynda GDA agza döwletleriň halklarynyň goşan goşandyny wagyz etmegiň möhümdigi bellendi.
GDA-nyň döwlet habarlar agentlikleriniň ýolbaşçylarynyň Geňeşiniň nobatdaky ýubileý mejlisini geljek ýylda Moskwada "TASS" habarlar agentliginiň 120 ýyllyk ýubileýi bilen utgaşykly bellemek bellendi.
ORIENT news
