2 sany sement zawodyň gurluşygy tamamlaýjy tapgyrda alnyp barylýar
Bäherden we Köýtendag etraplaryndaky sement zawodlarynyň gurluşygy tamamlaýjy tapyrda alnyp barylýar. Her biriniň kuwwaty ýylda 1 million tonna sement öndürmäge ukyply bolan täze zawodlar ýurdumyzyň gurluşyk senagatynyň ösmegine özüniň uly goşandyny goşar. Bu barada ýurdumyzyň resmi metbugaty habar berýär.
Ýurdumyzyň bu etraplaryndaky sement zawodlarynyň 2-nji tapgyrlarynyň gurluşygyna ýurdumyzda 2020 – 2023-nji ýyllarda senagat kärhanalaryny gurmak baradaky maksatnamasynyň çäklernde 2020-nji ýylda başlandy.
Bu gurluşyklar bilen bir hatarda Bäherden etrbabynda sanfaýans we bezeg keramiki plitalaryny öndürýän zawody, Gökdepe etrabynda gije-gündizde 100 tonna aýna önümlerini öndürýän goşmaça kärhanany, Daşoguz şäherinde gap-gaç öndürýän kärhanany we ýylda 150 müň tonna armatur öndürmäge ukyply goşmaça önümhanany gurmak göz öňünde tutulandyr.
Bu kärhanalaryň ählisinde ekologiýa talaplary göz öňünde tutulandyr.
ORIENT news
