Baş konsul Saratow döwlet uniwersitetine bardy
Türkmenistanyň Russiýa Federasiýasynyň Kazan şäherindäki baş konsuly Güýç Garaýew “Akylly şäher. Sport bilen ýaşa!” ady bilen geçirilýän II Bütinrussiýa oýunlarynyň çärelerine gatnaşmagyň çäklerinde Saratow döwlet uniwersitetine bardy we talyplar bilen duşuşdy. Bu barada ýokary okuw mekdebi habar berýär.
Ýokary okuw mekdebiniň rektory A.N.Çumaçenko we beýleki ýolbaşçylar bilen geçirilen duşuşykarda bu ýerde bilim alýan türkmen talyplarynyň okuw şertleri barada pikir alşyldy. Bellenişi ýaly, bu ýokar okuw mekdebinde okaýan türkmenistanly talyplaryň sany 1381-e ýetýär.
Saratow döwlet uniwersitetiniň rektorynyň bellemegine görä, türkmen talyplary ýokary okuw mekdebinde okaýan daşary ýurtlularyň aglabasyny düzýär. Olaryň bilim almagy we amatly ýaşaýyş şertleriniň üpjün edilmegi babatda tagallalar edilýär. Türkmen talyplarynyň rus ýaşlarynyň gurşawyna goşulyşmagy hem möhüm ähmiýetlidir. Şonuň üçin-de olar uniwersitet we şäher derejesinde geçiriýän çärelere işjeň ganaşýarlar. Mälim edilişine görä, türkmen talypl;arynyň gatnaşmagynda dürli medeni çäreler hem guralýar. Şolaryň hatarynda “Nowruz gözeli”, “Talyp bahary”, “Talyp Garpamygy” ýaly çäreleri görkezmek bolar.
Saratow – köpmedeniýetli şäher bolup, bu ýerde her ýyld 50-den gowrak dürli çärelere geçirilýär. Bu baýramçylyklar milletine garamazdan, şäherde ýaşaýan islendik ýaşaýjy üçin umumy býrama öwrüldi diýip, ýokary okuw mekdebiniň rektory mälim edýär.
Saratow döwlet uniwersitetinde okaýan türkmen talyplarynyň bilmimleri özledirişi, bilim şertleri we geljekki iş mümkinçilikleri duşuşyklarda esasy ara alnyp maslahatlaşylan temalar boldy.
ORIENT news
