“Galkynyş” gaz käninden tebigy gazyň täze senagat akymy alyndy
Ägirt uly “Galkynyş” gaz käniniň gory “Ýaşlar” gaz käni bilen bilelikde häzirki wagtda 26,2 trillion kubmetre barabar we bu känleriň bir bölegi bolan täze açylan Garaköl ýatagynyň gory hasaba alnanda jemi 27,4 trillion kubmetre barabar diýlip hasaplanylýar. Bu barada “”Nebit-gaz” gezeti habar berýär.
Bu gaz käninde ulanyşa girizilen gaz guýularynyň her biriniň bir gije-gündizde 2 million kubmetre çenli önüm bermegi “Galkynyş” gaz käniniň örän baý tebigy gaz goruna eýedigini subut edýär.
“Türkmengaz” döwlet konserniniň “Türkmengazburwlaýyş” müdirliginiň gazçylary tarapyndan “Galkynyş” gaz känindäki 238-nji belgili ulanyş guýusynda buraw işleriniň 4 müň 557 metr çuňlukda ýerine ýetirilmegi hem-de ýer astynda 4496 – 4214 metr aralykdaky gatlaklarda jemi 189 metr aralykda geçiirlen atyş-partladyş işleriniň netijesinde senagat ähmiýetli gaz akymy alyndy.
Hünärmenleriň hasaplamalaryna görä, ulanyş guýusy her gije-gündizde 2 million 264 kubmetr tebigy gaz berýär. “Galkynyş” gaz käniniň geologik we tehniki häsiýetlerine laýyk gelýän Ýaponiýanyň “Sumitomo” kompaniýasynyň oturtma we sorujy-gysyjy turbalary, çüwdürim armaturalary hem-de sütün başlary giňden peýdalanyldy.
ORIENT news
