Türkmenistan Sankt-Peterburgyň täze tekliplerine garamaga taýýardyr
Sankt-Peterburgyň gubernatorynyň ýurdumyza sapary Türkmenistanyň we Russiýa Federassiýasynyň köptaraplaýyn strategiki hyzmatdaşlygyny güýçlendirmek isleginiň aýdyň tassyklamasydyr. Iki ýurt hem, syýasy we diplomatik ugurda, söwda-ykdysady, medeni-ynsanperwer ugurlarda üstünlikli işleşdiler, bular barada Sankt-Peterburgyň gubernatory Aleksandr Beglow bilen Türkmenistanyň ýolbaşçylarynyň arasynda geçirilen duşuşyklarda ara alnyp maslahatlaşyldy.
Türkmenistan bilen Russiýa Federassiýasynyň sebitler we esaslandyryjy guramalarynyň arasyndaky hyzmatdaşlygynyň çäginde, Sankt-Peterburg ösen şäher meýilleşdiriş ulgamy we ösen senagat we intellektual potensialy sebäpli aýratyn orny eýeleýär. Bu gatnaşyklar boýunça Beglowyň Prezident Serdar Berdimuhamedow bilen bolan duşuşygynda ara alnyp maslahatlaşyldy.
Türkmenistanda işleýän Sankt-Peterburgyň kärhanalary, şeýle hem iri kompaniýalary bu ugurdaky hyzmatdaşlyga mysal getirildi. Infrastruktura desgalarynyň gurluşygy pudagynda özara gatnaşygy güýçlendirmek mümkinçiligine garamak teklip edildi we oba hojalygynyň önümlerini we azyk senagatyny gaýtadan işlemek pudagynda hyzmatdaşlygyň mümkinçiligini bellediler.
Şeýle hem Türkmenistan Sankt-Peterburgyň işewür toparlarynyň sanlylaşdyrma we “akylly” şäherleri gurmak ýaly özara gatnaşyklaryň täze ugurlaryndaky tekliplerine garamaga taýýardyr. Ylym-bilim pudagyndaky hyzmatdaşlyk etmek ikitaraplaýyn gatnaşyklaryň gün tertibinde möhüm orny eýelemegini dowam etdirýär.
Sankt-Peterburg bilen Türkmenistanyň arasyndaky işewür gatnaşyklary ösdürmegiň geljegi hem, türkmen halkynyň Milli Mideri, Halk Maslahatynyň Başlygy Gurbanguly Berdimuhamedowyň Aleksandr Beglow bilen duşuşygynda ara alnyp maslahatlaşyldy.
Türkmenistanyň Sankt-Peterburgyň senagat, gurluşyk materiallaryny öndürmek we şähergurluşyk pudagynda toplan baý tejribesini öwrenmek we ulanmak bilen gyzyklanýandygy bellendi.
Özara gatnaşyklaryň geljegi uly ugurlary IT tehnologiýalaryny ulanmak we “akylly” şäherleri gurmakdyr. Şunuň bilen baglylykda, Türkmenistanyň Sankt-Peterburgly hyzmatdaşlary bilen has işjeň bilelikdäki taslamalara taýýarlygy tassyklandy. Köpden bäri dowam edip gelýän gowy däp-dessurlar bar bolan medeni-ynsanperwer hyzmatdaşlygyň hemişelik we möhüm bölegi hökmünde kesgitlenýär. Bu barada “Watan” habarlar gepleşiginiň agşamky görkezilişinde habar berildi.
Sankt-Peterburgyň gubernatory Aleksandr Beglowyň metbugat gullugynyň habaryna görä, onuň bu sapary intensiw we öndürijilikli diýip häsiýetlendirip, Türkmenistan bilen işewür we dostlukly gatnaşyklary berkitmekde diýseň ähmiýetli boldy.
Saparyň dowamynda gubernator Arkadag şäherine hem baryp görüp, onuň tertibi we dolandyryş ulgamy bilen tanyşdy, ýaşaýyş jaýlarynyň birine we beýleki desgalara aýlanyp gördi.
ORIENT news
