Türkmen türgenleri Şotokan karate boýunça dünýä çempionatynda 72 medal gazandylar
Özbegistanyň Daşkent şäherinde 8-nji sentýabrdan 10-njy sentýabr aralygynda geçirilen Şotokan karate boýunça 13-nji dünýä çempionaty tamamlandy.
Üç günüň dowamynda otuz ýurtdan iki müňe golaý karate boýunça uly ýaşly, şeýle hem 21 ýaşa çenl türgenler we ýetginjekler medallar üçin bäsleşdiler.
Türkmenistanyň karate boýunça topary bu uly dünýä ýaryşynda jemi 72 medal gazandylar.
Çempionatyň birinji gününde türkmen karate ussatlary sekiz baýrak, ikinji gün bolsa on iki baýrak aldylar.
Iň soňky gün baýraklar üçin iň täsirli gün boldy, sebäbi Türkmenistandan gelen türgenler 52 medal almagy başardylar.
Şeýlelik bilen, Özbegistanda geçirilen ýaryşlardan soň Türkmenistanyň karate topary 39 bürünç, 20 kümüş we 13 sany ýokary derejeli medal gazandy.
Dünýä çempionatynda türkmen wekiliýetinde jemi 85 adam bolup, olaryň 64-si türgenlerdir.
ORIENT news
