Ýakyn wagtda türkmen ary howlusy ary ýelimini, ary süýdini we dürli görnüşli hoz balyny hödürlär
Bal ary gapyrjaklary Daşoguz welaýatynda ýerleşýän balçy Yslam Ýakubow häzirki wagtda täze önüm öndürmek üçin işleýär. Ýakyn wagtda ol sarp edijilere ary ýelimini, ary süýdüni we dürli görnüşli hoz balyny hödürlär diýip, Türkmenistanyň Senagatçylar we telekeçiler birleşmesiniň saýty habar berýär.
Ýakubowyň ary howlusynda 10 dürli altyn bal - gül, pagta, ýandak gülünden we dag ösümliklerinden bal we başgalar öndürilýär. Ýerli tekjelere önümler «Genç» markasy bilen iberilýär.
Ol, 2011-nji ýyldan bäri bal arylaryny saklaýar we bu ýerde ýokary hilli hem-de ekologiki taýdan arassa «süýji ýantar» öndürýän 1500-den gowrak ary maşgalasy «ýaşaýar». Bu möwsümde telekeçi 5 tonna töweregi ary balyny ýygnady we ýylda takmynan 20 tonna önüm alýar.
Harytlar häzirki zaman enjamlary bilen enjamlaşdyrylan ýörite kärhanada dürli ululykdaky gaplara gaplanýar. Şeýle hem bal toparynda barlaghana, taýýar önümler üçin ammar we beýleki goşmaça ussahanalar bar.
ORIENT news
