Kanadaly alty ýaşly gyz dünýäde iň ýaş wideo oýunlaryny dörediji boldy
Kanadanyň Ontario şäherinden alty ýaşly gyz Simar Hurana Ginnesiň rekordlar kitabyna dünýäniň iň ýaş wideo oýunlaryny dörediji hökmünde girdi. Bu barada Ginnesiň rekordlar kitabynyň saýty habar berildi.
Simar matematika we programmirlemekde ajaýyp ukyplara eýe. Muňa kakasy üns berdi. Ol gyzyň YouTube-da wideo görüp matematikany özbaşdak öwrenendigini aýtdy. Kakasy gyzyna programmirleme sapaklaryna gatnaşmagy maslahat berdi, ýöne bilim edaralarynyň hemmesi alty ýaşly çagany kabul etmäge razy bolmady. Şeýle-de bolsa, maşgala laýyk kurslary tapmagy başardy we birnäçe aýyň içinde Simar ilkinji wideo oýunyny döretdi.
Oýun dogry iýmitlenmek mowzugyna bagyşlanýar. Simar, maşgala lukmanyna baranda oňa sagdyn iýmitiň ähmiýeti barada berlen gürrüňden soň muny oýlap tapdy. Oýunda, ol deň-duşlaryna sagdyn we saglyga zyýanly iýmitleriň arasyndaky tapawudy öwretmek, şeýle hem dogry iýmitlenmegiň saglyga nähili täsir edýändigini görkezmek isleýär.
Simar gazananlary bilen çäklenmän, programmirlemegi öwrenmegi dowam etdirýär. Ýakynda ol emeli intellektiň esaslaryny öwrenip başlady.
ORIENT news
