Hytaýly alymlar älemdäki jisimlere galtaşmazdan ýerini üýtgetmek üçin enjam döretdiler
Hytaýly alymlar älem zibillerini sowup ýa-da ýerini üýtgedip bilýän, şeýle hem 1 km uzaklykda älem gämilerini özüne çekip bilýän prototip enjamyny döretdiler. Enjam, ýokary tizlikli plazma halkalaryny atýan magnitli koaksial ýaragyň esasynda işleýär. Bu gözleg «Systems Engineering and Electronics» žurnalynda çap edildi diýip, China Morning Post habar berýär.
Alymlar «jedaýlaryň güýjini» ulanyp, gahrymanlaryň dürli zatlary ellemän ýerini üýtgedip bilýän «Ýyldyz söweşleri» filmiň seriýasyndan ylham aldylar. Olar älem gämilerini, emeli hemralary we älem beketlerini goramak we goldamak üçin ulanyp boljak enjam döretmek islediler.
Enjamyň esasyny düzýän ýarag, 10 müň m/s tizlik bilen plazma halkalaryny döredýär. Ol sekuntda bir nyşana sekiz sany plazma halkasyny atyp bilýär. Plazma halkalary demir ýüzüne ýa-da düzüminde metallary öz içine alýan zatlara täsir edip biler. Enjam, obýektleriň hereket traýektoriýasyny üýtgedip, olary daşlaşdyryp ýa-da özüne çekip biler.
Enjam, barlaghanada älem galyndylarynyň we emeli hemralaryň modellerinde synag edildi. Alymlar mundan beýläk synaglary geçirmegi we oýlap tapyşlaryny kämilleşdirmegi meýilleşdirýärler.
ORIENT news
