Päkistanyň Energetika ministrligi: hökümet bilen TAPI boýunça ylalaşyk oktýabr aýynda baglaşylar
Päkistan bilen Türkmenistan Türkmenistan-Owganystan-Pakistan-Hindistan gaz geçiriji taslamasy boýunça işleri dowam etdirmek barada ylalaşdylar.
ProPakistani habarlar gullugynyň berýän habaryna görä, bu mesele boýunça ylalaşyk penşenbe güni Yslamabatda energetika ministriniň wezipesini wagtlaýyn ýerine ýetiriji Muhammet Aly bilen Türkmenistanyň Pakistandaky ilçisi Atajan Möwlamowyň arasynda geçirilen duşuşygyň barşynda gazanyldy.
Duşuşykda taraplar TOPH taslamasynyň durmuşa geçirilişine syn bermek boýunça iş toparynyň yzygiderli mejlislerini geçirmäge ylalaşdylar.
Wagtlaýyn ministr bu dabarada çykyş edip, TOPH taslamasynyň Pakistanyň barha artýan energiýa zerurlyklaryny kanagatlandyrmak üçin zerurdygyny belledi.
Bu nukdaýnazardan, oktýabr aýynda özara ylalaşma arkaly kabul ediji hökümet bilen ylalalyşygyň baglaşylmagyna garaşylýar. Mundan başga-da, ol taslamanyň durmuşa geçirilmegini çaltlaşdyrmak üçin Türkmenistan-Owganystan-Päkistan (TOP) elektrik taslamasy boýunça iş toparynyň mejlisleriniň ýygy-ýygydan geçiriljekdigini aýtdy.
Onuň sözlerine görä, TOPH taslamasy ýurtda diňe bir çalt ösýän energiýa islegini kanagatlandyrmak bilen çäklenmän, eýsem sebitara aragatnaşyk we ykdysady ösüş üçin hem uly mümkinçilikler döreder.
Ozal, 2023-nji ýylyň iýun aýynda Pakistan we Türkmenistan TOPH taslamasynyň durmuşa geçirilişini çaltlaşdyrmak boýunça bilelikdäki meýilnama gol çekdiler.
Iýul aýynda Pakistanyň maýa goýumlaryna ýardam bermek boýunça geňeşi TOPH taslamasyny arap maýadarlaryny çekmekde ileri tutulýan ugurlaryň sanawyna goşdy.
ORIENT news
