Daniýaly satyjy Auluna Özbegistanda eşik öndürmek isleýär
Daniýaly onlaýn satyjy Auluna Private Lable – daşky geýimleri, şol sanda eko derileri satyjy we öndüriji Hytaýdan önümçilik kuwwatynyň bir bölegini Özbegistana geçirmegi meýilleşdirýär. Täze ýerde zawod açmak bilen, kompaniýa logistika meselelerini çözmegi we harytlary Ýewropa bazaryna eltmek üçin sarp edilýän wagty azaltmagy maksat edinýär. Häzirki wagtda Hytaýdan Ýewropa önümler ortaça 6-7 hepdede barýar.
Zawodyň gurluşygyna Özbegistan esasy dalaşgär boldy. Ösen deri we aýakgap pudagy hem ýurduň peýdasyna oýnady. Şeýle hem, maýa goýujy, özbek tarapy bilen bilelikde Daniýada Özbegistanda öndürilen aýakgap önümlerini görkezýän sergi zalyny döretmek başlangyjyny öňe sürdi. Bu önümleri Skandinaw ýarym adasynyň ýurtlarynda satmak üçin onlaýn platforma ýene bir taslama bolup biler.
Bu işewürli mowzuklary «Uzcharmsanoat» assosiasiýasynyň başlygy Fahriddin Boboýew we Daniýanyň «Auluna Private Lable» kompaniýasynyň baş ýerine ýetiriji direktory Kristian Aaçman bilen ara alnyp maslahatlaşyldy. Duşuşykdan soň taraplar Özbegistanda eko-deri önümlerini öndürmek meýilnamasyny jikme-jik işläp düzmek barada ylalaşdylar diýip, Podrobno.uz habar berýär.
«Auluna Private Lable» 1965-nji ýylda Daniýada esaslandyryldy we häzirki wagtda Skandinawiýada we Germaniýada eko-deri we dokma eşikleriniň onlaýn satyjysy.
ORIENT news
