Hytaýda Messiniň aýak yzlary galan gazon satuwa çykarylar
Lionel Messiniň iýun aýynda üstünde futbol oýnan torf (gazon) bölekleri Pekindäki Işçiler stadionynyň dolandyryş kompaniýasy tarapyndan satylar. Bölekleriň ölçegi görkezilmedik, ýöne olar argentinaly meşhur futbolçynyň oýun meýdançasynda işjeň hereketleri bilen tapawutlanan ýerlerinden alyndy. Mysal üçin, Messiniň oýnuň 81- nji sekundynda geçiren goluny uran ýeri – diýip, South China Morning Post gazeti ýazýar.
11-15-nji awgust aralygynda 100 bölek gazonyň utuşy geçirildi, olaryň biriniň bahasy 499 ýuana (68 dollar) deň. Satyn alyşa gatnaşmak üçin 4000 adam ýüz tutdy. Jemi 2023 bölek gazon satmak üçin bölünip berildi, olaryň galanlaryny sosial ulgamlarda satyn alyp bolýar.
Argentina - Awstraliýa dostlukly duşuşyk 15-nji iýunda Pekinde geçirildi. Messiniň Hytaýyň paýtagtyna gelmegi janköýerleriň arasynda uly gyzyklanma döretdi. Futbol torfynyň ýadygärlik hökmünde satylmagy ilkinji gezek däl, käbir hytaýlylar bu çäräni “akyla sygmajak bolguzyslyk” diýip atlandyrdylar. Internet ulanyjylary: “Pekinde Messiniň dem alan howasy hem bar, ony satmak barada hem pikirlenip görüň” — diýip, degişýärler.
ORIENT news
