Dünýäde meňzeşligi bolmadyk «Ölmezlik kapsulasy» Kazanda döredildi
Emeli intellekt (EI) we VR-şlemi bilen skrining barlagyny geçirmek üçin «ölmezlik kapsulasy» diýilýän özboluşly enjam toplumy, Tatarstanyň alymlary we lukmanlary Kazanda döretdiler. Gadjetiň esasy wezipesi, döwrebap anyklaýyş arkaly adamyň ömrüni uzaldar diýip, «Komsomolskaýa Prawda» ýazýar.
Enjam kapsula meňzeýär we ýörite oturgyja eýe. Wirtual lukman ýüregi, bagyry, böwrekleri barlamaga, basyşy, pulsy, gandaky kislorod we şeker derejesini ölçemäge, gan damarlarynyň we nerw ulgamynyň ýagdaýyny anyklamaga mümkinçilik berýär.
«Siziň düşünmegiňiz üçin «ölmezlik kapsulasy» holter ýörelgesinde işleýär. Ýagny, belli bir günüň dowamynda bedeni yzygiderli anyklaýar. Skrining üçin, EI-iň deslapky kesgitleme çykaryp, ol ýa-da beýleki lukmana ýollamagy üçin günde bary-ýogy iki minut ýeterlikdir», – diýip «ölmezlik kapsulasynyň» patent eýesi Timur Serazetdinow belledi.
Enjam takyk kesgitleme goýmaýar, ýöne enjam hassanyň sesi boýunça, şol sanda Alsgeýmer keseli barada aýdylandada keseliň töwekgelçiligini tanap bilýär. Umumy barlagdan soň, kapsula hassany hünärmene iberip ýa-da dynç almaga gitmegi maslahat berip biler.
Dünýäde enjamyň meňzeşi ýok. Şol bir wagtyň özünde, Timur Serazetdinowyň aýtmagyna görä, hünärmenler enjamy noldan oýlap tapmadylar, ýöne içindäki ähli anyklaýyş usullaryny birleşdirmäge synanyşdylar. «Häzir biz ony diňe bir wirtual lukman däl-de, eýsem ýürekden gürleşip boljak hakyky dost-geňeşçi etmek üçin işleýäris», –diýip ol goşdy.
ORIENT news
