Gruzin rowaýatlary we eposlary ilkinji gezek komediýa we animasiýa filmlerine “geçiriler”
Gruziýada "Iberiýanyň ýyl ýazgylary" (Хроники Иберии) atly ilkinji taryhy we mifologiki komediýany döretmek boýunça işe girişdiler. Taslamanyň üstünde “Ray11” kinokompaniýasy işleýär. Awtorlaryň pikiriçe, şeýle döredijilikli çemeleşme gruzin ýaşlary üçin has düşnükli bolar we olary ýurduň baý eposy bilen özleri üçin kabul ederlikli görnüşde tanyşdyrar – diýip, Sputnik habar berýär.
Meşhur erteki we mifologiki gahrymanlar, şeýle hem taryhy şahsyýetler komediýa gahrymanlaryna öwrülýär we olaryň gyzykly hem-de gülkünç başdan geçirmeleri baradaky hekaýalar köpöwüşginli suratlar arkaly tomaşaça ýetirilýär. Taslama ussat hünärmenler bolan ssenariçiler, suratkeşler we taryhçylar gatnaşýar.
Hünärmenler eýýäm Gruziýanyň dürli ýerlerini öz içine alýan “Oçopintre şalygy” we “Kopala” filmleriniň suratlaryny taýýarladylar. Bu bölümler hem “Hronika” dünýäsine giriziler. “Iberiýanyň ýyl ýazgylary” lentasynyň täze bölümleri her iki aýdan bir gezek çykar.
Şunuň bilen birlikde, "Aluda Ketelauri" we "Iberia Saga" animasion filmlerini döretmek boýunça işler alnyp barylýar. Komiksdäki şol bir gahrymanlar animasiýa görnüşinde hem janlanar we gruzin ýaşlaryna gadymy rowaýatlaryň balladalaryň we mifleriň taryhyndan gürrüň berer.
ORIENT news
