"071" hyzmaty - gije-gündiziň dowamynda ilatyň hyzmatynda
Aragatnaşyk hyzmatlary baradaky iň täze habarlary bilmek ýa-da tersine, telewizor, internet näsazlyklary barada habar bermek üçin 071 hyzmat gullugyna jaň edip, bilersiňiz.
“Aragatnaşyk hyzmatlary merkeziniň” operatorlary gije-gündiziň dowamynda ilatyň hyzmatynda. Olar hyzmatlaryň sanly görnüşleri baradaky soraglara jogap berip bilerler, şeýle hem ol ýa-da beýleki näsazlyklar barada habarnamalary kabul edip, tehniki işgärlere onlaýn ugradarlar. Hünärmenler ýüze çykan näsazlyklaryň sebäbini gysga wagtyň içinde kesgitläp, meseläniň oňyn çözülmegini üpjün ederler.
Mundan başga-da, «071» hyzmaty abonentlere aşakdaky ýaly maglumatlary we hyzmatlary hödürleýär:
— Türkmenistanda işleýän we hasaba alnan ähli kärhanalaryň we guramalaryň
telefon belgileri we salgylary;
— halkara telefon aragatnaşygy;
— halkara we uzak aralyga telefon kodlary;
— halkara we uzak aralyga jaňlaryň nyrhlary.
Merkeziň işi abonentlere amatlylyk üçin we olaryň gyzyklanmalaryny göz öňünde tutma arkaly gurnalandyr.
ORIENT news
