Gyrgyzystanda saglyk howpsuzlygy üpjün etmek boýunça Milli meýilnama işlenip düzler
Gyrgyzystanyň Saglygy goraýyş ministrliginiň metbugat merkezi öňümizdäki ýedi ýyl üçin saglyk howpsuzlygy üpjün etmek boýunça Milli meýilnamasynyň işlenip düzülendigini habar berdi.
Edaranyň müdiriniň orunbasary Bakyt Jangaziýew bu mesele boýunça sekretariatyň ýygnagyny geçirdi.
Ýygnakdaa, Halkara Saglyk Düzgünnamalarynyň ýurtdaky ýerine ýetirilişine bilelikdäki daşarky baha bermegiň, köpçülikleýin çäreleri guramakdaky ähli töwekgelçiliklere baha bermegiň, ýeke-täk saglyk üçin ýol kartasynyň we beýlekileriň netijeleri ara alnyp maslahatlaşyldy.
«Biz mümkin bolan ähli zady etmeli we ulgamymyzyň jemgyýetiň saglygyna abanýan howplara garşy durmaga taýýar bolmagy üçin ähli zerur çäreleri görmelidiris», —diýip Bakyt Jangaziýew aýtdy.
Milli meýilnamanyň durmuşa geçirilmegi saglyk edaralarynyň dürli adatdan daşary ýagdaýlara garşy taýýarlygyny ýokarlandyrjakdygy habar berildi.
ORIENT news
