Özbegistanda Ýaponiýanyň lukmançylyk we saglyk şäherçesi gurlar
Taslama ýapon gaznalarynyň hasabyna doly amala aşyrylar. Lukmançylyk şäheri Fergana şäherinde 20 saglyk edarasy, dürli ugurly 11 hassahana, iki dermanhana, şeýle hem sport we bedenterbiýe toplumy we lukmançylyk bilimi üçin okuw we dogry iýmitlenme merkezli guruljak eko-şäheriň çäginde peýda bolar. Uly göwrümli gurluşyk 8,7 million dollarynda bahalandyrylýar diýip, özbek metbugaty habar berýär.
Ýaponiýanyň lukmançylyk we saglyk şäherçesi şeýle hem üç gektar ýerde gurulýan 15 million dollarlyk Şogun sitiniň myhmanhanasy we restoran toplumy, ýapon bagy bilen sazlaşdyrylar. Bu taslama Ýaponiýanyň başga kompaniýasy - Micado Development tarapyndan durmuşa geçirilýär. Şeýle hem ol, eko-şäheriň çäginde Fergana Shogun işewürlik toplumyny gurar.
Taslamanyň amaly tapgyrlaryny Fergana welaýatynyň häkimi Haýrullo Bozorow we Ýaponiýaly telekeçileriň wekiliýeti bilen Özbegistana gelen NAGAI Clinic ýapon kompaniýasynyň ýolbaşçysy Kodzi Nagai ara alyp maslahatlaşdylar.
Ferganadaky ýapon telekeçileriniň ýene bir taslamasy – gözellik we saglyk önümleri boýunça Ýaponiýada № 1 marka bolan DAISO supermarketidir. Geljekki söwda merkeziniň gurluşygy hem işewürlik duşuşygynda ara alnyp maslahatlaşyldy.
ORIENT news
