Türkmen boksçysy GDA ýurtlarynyň II oýunlarynda muaý taý boýunça bürünç medal gazandy
Türkmenistanyň milli ýygyndysynyň muaý-taý boýunça wekili Muhammet Jumamuradow Belarus Respublikasynda geçirilen GDA ýurtlarynyň II oýunlarynyň soňky gününde Taý boks ýaryşynyň bürünç medalyna eýe boldy. Türkmen sportçysy 86 kilograma çenli agram derejesinde bäsleşip ýarym finala çykdy we birkemsiz gapma- garşylykda garşydaşyndan utuldy. Ýöne bürünç ugrundaky bäsleşikde mynasyp söweş görkezip, münberiň üçünji basgançagyny eýeledi.
Bu agram kategoriýasyndaky soňky söweşde Belarusly Nikita Kokoş azerbaýjanly Samandar Iskenderowy ýeňdi.
GDA ýurtlarynyň II oýunlary Belarusda 4-nji awgustdan 13-nji awgust aralygynda 20 sport görnüşinde geçirildi. Olara 20-den gowrak ýurda wekilçilik edýän 2,2 müňden gowrak türgen gatnaşdy. Ýapylyş dabarasy 13-nji awgustda Minsk-Arenada geçirildi.
Türkmenistanyň milli ýygyndysynyň Belarusda GDA ýurtlarynyň II oýunlarynda medallaryň umumy sany boýunça onunjy hatary eýeländigini bellemelidiris. Türkmen toparynyň 18 baýragy bar (3 kümüş we 15 bürünç medal).
ORIENT news
