Aşgabatdaky Rus öýi deňiz gurşawyny goramak mowzugynda döredijilik çäresini geçirdi
Aşgabatdaky Rus öýi, Halkara Hazar deňziniň gününe bagyşlanan we ünsi daşky gurşawy hem-de deňziň ekologiýasyny goramaklyga gönükdirilen onlarça ýaş gatnaşyjyny bir ýere jemlän döredijilik çäresini geçirdi.
Russiýa Federasiýasynyň Türkmenistandaky ilçihanasynyň birinji sekretary Ýuliýa Zaýtsewa öz ýüzlenmesinde Hazar deňziniň 500-den gowrak dürli ösümlik we 850 haýwanat dünýäsini gorap saklaýan ajaýyp tebigy suw hadysasydygyny aýtdy. Olaryň köpüsi Gyzyl kitaba girizilendir.
Şeýle hem, gatnaşyjylar tebigaty goramagyň nädip ösdürilip bilinjekdigi baradaky bilimlerini paýlaşdylar. Mysal üçin, suwy we elektrik toguny nädip tygşytlaýandyklary, zibilleri sortlamak, eko-sumkalary we çüýşeleri ulanmak, ýerleri arassalamak üçin meýletin kampaniýalara gatnaşmak we ş.m. barada gürrüň berdiler.
Aragatnaşyk we maglumat alyşmakdan başga-da, çärä gatnaşyjylar döredijilik ukyplaryny görkezdiler, garyşyk tehnikada – dokma pastasy we potal bezegi (altynly imitasiýa) ulanmakda akril bilen surat çekmekde «Suwasty dünýäniň gözelligi» mowzugynda eserler döretdiler.
– Häzirki wagtda Hazaryň beýleki ýurtlary deňziň tebigy baýlygyny we biologiki suw baýlyklaryny gorap saklamak we ösdürmek üçin ägirt uly tagalla edýär, -diýip Russiýa Federasiýasynyň Türkmenistandaky ilçihanasynyň birinji sekretary Ýuliýa Zaýtsewa ORIENT bilen söhbetdeşlikde aýtdy. – Hazar deňzi güni, uzak wagtlap köp we köp nesilleriň Hazar deňzine - adatdan daşary gudrata buýsanyp we haýran galyp bilerleri ýaly hemmämiziň deňiz baýlyklaryny gorap saklamak we daşky gurşawyň hapalanmagynyň öňüni almak baradaky şahsy jogapkärçiligimizi ýada salmak üçin ýene bir pursatdyr.
Hazar deňziniň güni 2007-nji ýyldan bäri 12-nji awgustda bellenilip geçilýär. 2006-njy ýylyň şu gününde Hazar deňziniň deňiz gurşawyny goramak boýunça Çarçuwaly konwensiýasy güýje girdi. Bu senä deňziň daşky gurşaw howpsuzlygy, onuň özboluşly ekoulgamyny goldamak we gorap saklamak meselelerine köpçüligiň ünsüni çekmäge gönükdirilen ýaşlar üçin ylmy forumlar, sergiler, bilim çäreleri guralýar.
ORIENT news
