Türkmen hünärmenleri dopinge garşy bilim boýunça konferensiýa gatnaşdylar
Türkmenistanyň Milli dopinge garşy agentliginiň (NADAT) hünärmenleri «Dopinge garşy bilimiň çägi» halkara onlaýn sessiýasyna gatnaşdylar.
Wideo konferensiýa arkaly geçirilen bu çäre Russiýanyň Dopinge garşy agentligi (RUSADA) tarapyndan gurnaldy. Oňa Belarusyň, Ermenistanyň, Gazagystanyň, Gyrgyzystanyň we Özbegistanyň dopinge garşy agentlikleriniň wekilleri hem gatnaşdy.
Onlaýn sessiýa gatnaşyjylar öz ýurtlarynda ýöriteleşdirilen bilim işlerini we strategiýalaryny döretmekde toplan tejribelerini paýlaşdylar, şeýle hem uly meseleleriň we dopinge garşy çäreleriň esasy ugurlaryny ara alyp maslahatlaşdylar.
Sessiýanyň dowamynda ylmy makalalaryň umumy maglumatlar binýadyny döretmek we yzygiderli aragatnaşyk, özara goldaw, pikir alyşmak, maglumat ýaýratmak üçin öz milletara jemgyýetimizi döretmegiň geljegini gözden geçirmek teklip edildi diýip, TASS RUSADA-nyň metbugat gullugyna salgylanýar.
Türkmenistanyň «Sportda dopinge garşy göreşmek hakyndaky» kanuny 2017-nji ýylyň iýun aýynda güýje girdi we onuň esasynda Milli dopinge garşy agentlik döredildi. 2019-njy ýylda NADAT we RUSADA Aşgabatda hyzmatdaşlyk gol çekdiler.
ORIENT news
