Türkmenistanyň ýüzüjiler topary Brest galasyndaky Baky alawa gül goýdular
GDA ýurtlarynyň II oýunlarynyň ýaryşlaryna gatnaşýan Türkmenistanyň suwda ýüzmek boýunça milli ýygyndy toparynyň türgenleri ýaryşyň öňüsyrasynda "Brest gahryman galasy" ýadygärlik toplumyna bardylar.
Toplumyň işgärleri türkmen wekiliýeti üçin gezelenç guradylar, Bugyň üstündäki galanyň gurluşygynyň taryhy we gahrymançylykly goranyşynyň esasy wakalary bilen tanyşdyrdylar - diýip, BELTA habar berýär. Türgenler ýadygärligiň Baky alawyna gül goýdular we wepat bolanlaryň ýagty ýadygärligini bir minutlyk dymyşlyk bilen hatyraladylar.
Çärä türkmen türgenlerinden başga-da Belarusyň, Azerbaýjanyň, Ermenistanyň, Wýetnamyň, Gazagystanyň, Gyrgyzystanyň, Pakistanyň, Russiýanyň, Täjigistanyň we Özbegistanyň wekilleri gatnaşdy. Myhmanlaryň aglaba köpüsiniň bu ýere ilkinji gezek gelşi bolup, gören-eşidenleri olarda uly täsir galdyrdy.
Bäsleşikden boş wagtlarynda Oýunlara gatnaşyjylar sebitiň beýleki gözel ýerlerine baryp görmäge mümkinçilik alarlar.
Suwda ýüzmek boýunça ýaryşlara ýurdumyzdan Dawid Akopýanyň, Selim Nazarowyň, Aýnur Merdanowanyň we Ejeş Primowanyň medallar üçin bäsleşjekdigini bellemelidiris.
ORIENT news
