Gazagystan we Türkmenistan ýokary bilim pudagynda hyzmatdaşlygy giňeltmekçi
Türkmenistanyň Gazagystandaky ilçisi Batyr Rejepow çarşenbe güni «Bolaşak» halkara maksatnamalar merkeziniň müdiriýetiniň başlygy Olžas Sakenow bilen duşuşdy.
«Duşuşyga gatnaşyjylar ylmy we bilim pudagyndaky ýurtlaryň arasyndaky ikitaraplaýyn gatnaşyklaryň yzygiderli ösmegine ünsi çekdiler, şeýle hem ylmy we tehniki işgärleriň hünär derejesini ýokarlandyrmak üçin ylmy tejribeleri guramak arkaly Türkmenistan we Gazagystan Respublikasynyň uniwersitetleriniň hyzmatdaşlyk maksatnamalarynyň mümkinçiliklerini ýokarlandyrmak barada pikir alyşdylar»,-diýip Astanadaky türkmen diplomatik wekilhanasynyň saýtyndaky habarda aýdylýar.
Şeýle hem Sakenow, Gazagystanyň we «Bolaşak» talyp haky maksatnamasynyň iki aýdan, ýagny 10-12-nji oktýabrda Aşgabatda geçiriljek saglyk, bilim we sport boýunça halkara foruma gatnaşmak niýeti barada aýtdy.
Onuň pikiriçe, bu halkara platforma Gazagystanyň wekiliýetine bakalawr, aspirantura we ikinji ýokary bilim maksatnamalaryny giňden hödürlemäge mümkinçilik berer.
Şol bir wagtyň özünde, taraplar «Daşary ýurtlarda Gazagystanyň bilim günleri» sergilerini geçirmek meselesini ara alyp maslahatlaşdylar.
Halkara programmalar merkezi, «Bolaşak» maksatnamasynyň, ylmy tejribe we döwletara grantlarynyň dolandyryjysy. Merkez resminamalary kabul edýär we bäsdeşlik esasynda saýlaw geçirýär.
ORIENT news
