BMGÖM Ýaşlaryň halkara güni mynasybetli onlaýn arkaly çäre gurar
BMG-niň Ösüş Maksatnamasy her ýylyň 12-nji awgustynda bellenilýän Ýaşlaryň halkara güni mynasybetli onlaýn arkaly çärä badalga berer.
Giňden ýaýran pikirlere görä, takyk ylymlarda hem-de inženerçilik ugurlarynda erkekleriň orny agdyklyk edýär. Geçiriljek bu çäräniň esasy maksady hem STEM-bilim modeli (bu model takyk ylymlary, tehnologiýany, inženerçiligi hem-de matematikany öz içine alýar) barada emele gelen şol pikirleri üýtgetmegi maksat edinýär. Şeýle çärä isleg bildirýän ähli adamlar gatnaşyp bilerler.
ChooseSTEM şygary bilen sosial torlarda guraljak bu çäre zenanlaryň maglumat tehnologiýalara bolan höwesini artdyrmaga gönükdirilendir. Bilermenleriň aýtmagyna görä, STEM ulgamynda sowatlylygyňy artdyrmaklyk her bir hünärmeniň, şol sanda zenanlaryň meşgullanýan hünärleriniň işjeňligini ýokarlandyrar. Birnäçe günüň dowamynda biziň her birimiz STEM ulgamynda üstünlik gazanan ýa-da bilim alan zenanlaryň tejribeleri hakda gürrüň berip bileris.
ORIENT news
