Warner Bros. däp bolan multfilmi täzeden başladýar: Tom we Jerri indi Singapurda
Tom we Jerriniň aýrylmaz jübüti Aziýa tomaşaçylary üçin «ýumşaklyk» bilen täzeden ýüklenýär. Warner Bros. studiýasy we oňa degişli Cartoon Network kanaly meşhur pişigiň we syçanjygyň başdan geçirmeleri barada täze gysga multserialyny yglan etdi.
Hereket Singapuryň ajaýyp köçelerinde bolar – hut şol ýerde Tom we Jerri täze başdan geçirmeleri bilen duşuşar. Möwsümiň üç minut dowam edýän ýedi bölümi bar. Aşakda Warner Bros.-yň Günorta-Gündogar Aziýa boýunça şahamçasynyň çagalar kontentiniň bölüminiň başlygy Kristofer Ho-nyň aýdanlary getirildi. Dolandyryjy täze ýeriň animasiýa franşizasyna özboluşly özüne çekijilik goşjakdygyna ynanýar:
«Bu multserialda 1950-nji ýyllarda Hanna-Barbera studiýasynyň döwründe höküm süren, ýöne häzirki Singapur üçin düzedilen däp bolan saz we klassiki animasiýa stili gaýdyp geler. Aziýa şäher-döwleti özboluşly gözel ýerleri, bezegleri we täsin atmosferasy bilen, «Tom we Jerri» kanonyna başga bir gülkünç goşundy döretmek üçin amatly ýere öwrüldi.
«Tom we Jerri»-niň goýberiljek senesi entek yglan edilmedi, ýöne tomaşaçylaryň taslama barada ilkinji täsirlenjek synag bölümi awgust aýynda elýeterli bolar diýip, Kinoafisha.info habar berýär.
ORIENT news
