BAE-de sebitdäki ilkinji metaäleme badalga berildi
BAE e& tehnologik we innowasion topar sebitde ilkinji metaälem e& Universe-e badalga berdi.
VIVERSE tehnologiýasynyň esasynda işlenip düzülen e& Universe ulanyjylara wirtual wakalardan haýran galdyryjy täsirleri almaga mümkinçilik berýär. Jaýlar, konsertler, dükanlar, sport çäreleri, sergiler – ynha e& Universe-iň baryp görmegi teklip edýän giňişlikleriniň käbirleri.
Metaälemdäki öý giňişligini NFT-niň (kriptografiki tokenleriň görnüşi) we sesli we tekst söhbetdeşligi arkaly özara hereket etmäge mümkinçilik berýän beýleki sanly aktiwleriň kömegi bilen bezäp we şahsylaşdyryp bolýar.
e& Universe dükanynda ulanyjylar kartinalary, sungat eserlerini we öý bezeg predmetlerini görüp we satyn alyp bilýärler. Hakyky wakalar hem e& Universe älemine geçiriler.
Metaälemiň çäklerinde geçen ilkinji çäre Samsung Galaxy-nyň täze tapgyrynyň tanyşdyrylyşyna bagyşlandy. Ulanyjylar metaälemde öz gurluşlarynyň öňünden sargydyny resmileşdirip bilerler.
ORIENT habarlar
