Durnukly syýahatçylygyň ösdürilişi boýunça Dubaýyň myhmanhanalary sylaglanar
Birleşen Arap Emirlikleriniň Dubaý şäheriniň myhmanhanalary durnukly syýahatçylygy ösdürmekde eden tagallalary üçin altyn, kümüş we bürünç markalar bilen belgilener. “Dubaýyň durnukly syýahatçylyk markalary” durnukly ösüş maksatlaryny durmuşa geçirmekde, energiýany we beýleki tebigy serişdeleri tygşytly ulanmakda we kömürturşy bitaraplygyny gazanmakda myhmanhanalaryň edýän tagallalaryny görkezmekde ähmiýetli bolar.
Degişli belgi markalaryny almak işi 3 – 31-nji awgust aralygynda dowam eder. Bu iş öz gezeginde durnukly syýahatçylygy ösdürmekde Dubaýyň Hökümetiniň tagallalaryny hem aýdyň görkezýär.
Bellenişine görä, bu başlangyç Dubaý şäherini durnukly syýahatçylyk babatda dünýäniň ösen merkezleriniň biri hökmünde tanatmaga şert döreder.
ORIENT news
